काठमाडौं, १४ चैत । पछिल्लो २४ घण्टामा देशभर ८५ जना कोरोना भाइरसका नयाँ संक्रमित थपिएका छन् ।
पछिल्लो २४ घण्टामा भएका दुई हजार ७ सय ४५ पीसीआर परीक्षणमध्ये ८५ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कुल संक्रमित संख्या दुई लाख ७६ हजार ७ सय ५० पुगेको छ ।
स्वास्थ्य मन्त्रालयका अनुसार पछिल्लो २४ घण्टामा कोरोना संक्रमणका कारण मृत्यु हुनेको संख्या शुन्य छ । हालसम्म नेपालमा कोरोनाका कारण तीन हजार २७ जनाको मृत्यु भईसकेको छ ।
पछिल्लो २४ घण्टामा ९३ जना संक्रमणमुक्त भएको स्वास्थ्य मन्त्रालयले जनाएको छ । योसँगै संक्रमणमुक्त हुनेको संख्या दुई लाख ७२ हजार ४ सय ३५ पुगेको छ । संक्रमणमुक्त हुनेको यो संख्या कुल संक्रमितको ९८.४ प्रतिशत हो ।
