एजेन्सी, १४ चैत । इंग्ल्यान्डले घरेलु टिम भारतविरुद्धको दोस्रो एकदिवसीय क्रिकेटमा सानदार जित निकालेको छ ।
भारतको पुनेमा भएको खेलमा इंग्ल्यान्डले भारतमाथि ६ विकेटको सानदार जित निकालेको हो । भारतले दिएको ३ सय ३७ रनको चुनौतीपूर्ण लक्ष्य इंग्ल्यान्डले ४३ ओभर ३ बलमा मात्र ४ विकेट गुमाएर पूरा गरेको हो ।
इंग्ल्यान्डको जितमा जोनी बेयर्स्टोले १ सय १२ बलमा १ सय २४ रन, स्टोक्सले ५२ बलमा ९९ रन र जासन रोयले ५५ रन बनाए । भारतका प्रसिद्ध कृष्णले २ र भुवनेश्वर कुमारले १ विकेट लिए ।
यो खेलमा पहिले ब्याटिङ गरेको भारतले ५० ओभरमा ६ विकेट गुमाएर ३ सय ३६ रन बनाएको थियो ।
भारतका केएल राहुलले १ सय ८ , ऋषव पन्तले ७७ कप्तान विराट कोहलीले ६६ र हार्दिक पाण्डयले ३५ रन बनाए । इंग्ल्यान्डका टम करण र रिची टोप्लेले २÷२ विकेट लिए ।
यस जितसँगै इंग्ल्यान्डले ३ खेलको सिरिजमा १–१ को बराबरी गरेको छ । पहिलो खेलमा भारतले जित निकालेको थियो ।
