पाल्पा, १० चैत । पाल्पाको माथागढी गाँउपालिकामा जनस्वास्थ्य प्रयोगशालाका कर्मचारीहरुका लागि रिफ्रेसर तालिम सञ्चालन भएको छ । माथागढी गाँउपालिकाको आयोजनामा भएको ३ दिने रिफ्रेसर तालिममा माथागढी गाँउपालिका भित्रका आठ वटै स्वास्थ्य चौकिका प्रयोगशालाका कर्मचारीहरुको उपस्थिती रहेको थियो ।
रिफ्रेसर तालिममा बोल्दै गाँउपालिकाका प्रमुख प्रशासकिय अधिकृत राजु नेपालले कर्मचारीहरुका लागि रिफ्रेसर तालिममा आठ वटै स्वास्थ्य चौकि प्रयोगशालाका कर्मचारीहरु सहभागी भएकोमा धन्यवाद दिदै तालिमले अवश्य पनि थप मद्दत मिल्ने बताए। गाँउपालिकाका प्रमुख प्रशासकिय अधिकृत नेपालले रिफ्रेसर तालिम ३ दिन सम्म चल्ने जानकारी दिए ।
तालिममा शोभाकान्त न्यौपाने र मधुशुदन भट्टराई लगायतले प्रशिक्षण दिएका थिए । रिफ्रेसर तालिममा स्वागत गाँउपालिकाका उपसयोजक किरण केसीले गरेका थिए भने गाँउपालिकाका सयोजक केशव जि.सिको सचालनममा भएको थियो ।
