काठमाडौं, ३ चैत । नेकपा एमालेका नेता बामदेव गौतमले अहिलेको अवस्थामा प्रधानमन्त्री केपी शर्मा ओलीलाई आफुले साथ दिन नसकिने बताएका छन् ।
गौतम नेतृत्वको पार्टी एकता अभियानले मंगलबार उपत्यकामा आयोजना गरेको कार्यक्रममा बोल्दै नेता गौतमले अहिले यही स्थिति रहने हो भने प्रधानमन्त्री ओलीलाई साथ दिन नसकिने बताएका हुन् । कार्यक्रममा बोल्दै नेता गौतमले सोमबार प्रधानमन्त्री ओलीसँग भेट गरेको बताउँदै प्रधानमन्त्रीलाई आफूले एकातातिर लाग्नु पर्ने बताएको जानकारी गराए ।
प्रधानमन्त्रीले आफूलाई साथ दिन आग्रह गरेको बताउँदै उनले माधव नेपाल र झलनाथ खनाल पक्षसँग मिलेर जाने भए आफूले साथ दिने बताएको पनि जानकारी दिए ।
प्रधानमन्त्रीले गएका महिनाहरुमा पार्टीको नाममा कार्यकर्ताहरुको मनोबल खलबलाउने गरी बोल्दै हिँडेको र आगामी दिनमा त्यसतो गतिविधि बन्द भएमात्र आफूले साथ दिन सकिने बताएको नेता गौतमको भनाई छ ।
