अव कोही पनि संविधान बाहिर रहँदैन : मन्त्री ज्ञवाली

काठमाडौं, २१ फागुन। परराष्ट्र मन्त्री प्रदीप ज्ञवालीले सरकार र विप्लव समूहबीचको सहमतिपछि अव कोही पनि राष्ट्रिय एकता, संविधान र शान्तिपूर्ण राजनीति बाहिर नरहेको बताएका छन् । नेपाल कम्युनिष्ट पार्टी नेकपा ओली पक्षका प्रवक्ता समेत रहेका मन्त्री ज्ञवालीले शुक्रबार ट्विीट गर्दैै यसतो बताएका हुन्।

पृथकतावादका पक्षधर सिके राउत राष्ट्रिय एकता र संविधानको मूल प्रवाहमा समाहित हुनु र सशस्त्र गतिविधिमा संलग्न विप्लव समूह आफ्ना राजनीतिक क्रियाकलाप शान्तिपूर्ण रूपमा सन्चालन गर्न सहमत हुनु महत्वपूर्ण उपलब्धि हुन्। अब कोही पनि राष्ट्रिय एकता,संविधान र शान्तिपूर्ण राजनीतिबाहिर रहेन।+

— Pradeep Gyawali (@PradeepgyawaliK) March 5, 2021

शसस्त्र गतिविधिमा संलग्न विप्लव समूह आफ्ना राजनीतिक क्रियाकलाप शान्तिपूर्ण रुपमा सञ्चालन गर्न सहमत हुनु महत्वपूर्ण उपलब्धि रहेको पनि उल्लेख गरेका छन्। उनले पृथकतावादका पक्षधर सिके राउत राष्ट्रिय एकता र संविधानको मूल प्रवाहमा समाहित हुनुलाई पनि महत्वपूर्ण भएको जिकिर गरेका छन्।

यस महत्वपूर्ण उपलब्धिको मुख्य श्रेय सम्माननीय प्रधानमन्त्रीज्यूलाई जान्छ । यसमा योगदान गर्नु हुने सबै धन्यवादका पात्र हुनुहुन्छ ।
राष्ट्रिय एकताका पक्षधर एवं शान्तिप्रेमी सबैलाई हार्दिक वधाइ !

— Pradeep Gyawali (@PradeepgyawaliK) March 5, 2021

साथै मन्त्री ज्ञवालीले यस महत्वपूर्ण उपलब्धिको मुख्य श्रेय प्रधानमन्त्री केपी शर्मा ओलीलाई दिएका छन् ।