काठमाडौं, १८ फागुन। प्रधानमन्त्री केपी शर्मा ओली आज मोरङको उर्लाबारी जादैं छन् ।
लोपोन्मुख एवं अल्पसंख्यक सन्थाल समुदायका लागि निर्माण हुने बस्तीको शिलान्यास गर्न प्रधानमन्त्री ओली उर्लाबारी जाने भएका हुन् ।
सन्थाल जातिका लागि ३० करोड रुपैयाँ खर्च गरेर उर्लाबारी नगरपालिका–८ र ९ को सीमानामा रहेको रातोहोली खोल्सीको छेउमा एकीकृत बस्ती निर्माण गरिने भएको हो । बस्तीको प्रधानमन्त्री ओलीले बिहान ११ बजे शिलान्यास गर्ने कार्यक्रम रहेको र त्यसको सबै तयारी पूरा भइसकेको आयोजकले जनाएको छ ।
दुई वर्षभित्रमा काम सम्पन्न गर्ने गरी शहरी विकास मन्त्रालयले जनता आवास कार्यक्रममार्फत बस्ती निर्माण गर्ने भएको हो । एक सय ३६ परिवारलाई लक्षित गरेर एकीकृत बस्ती निर्माण गरिने छ ।
जग्गा भए पनि घर बनाउन नसक्ने र जग्गा जमिन नै नभएर सुकुम्बासी जीवन बिताउनुपर्ने अवस्थाका सन्थाल जातिलाई एकीकृत बस्तीले ठूलो राहत पु¥याउने बताइएको छ ।
