सुबास चौलागाईँ
भक्तपुर, १३ माघ । नेपाल विद्युत् प्राधिकरण,भक्तपुरको ठिमी वितरण केन्द्रका तीनजना कर्मचारीमाथि दुर्व्यवहार भएको छ । उपभोक्ताले दश महिनाभन्दा बढी विद्युत् उपभोग गरेर महसुल नतिरेको देखिए पछी लाइन काट्न जाँदा सिरुटारमा प्रधिकरणका कर्मचारीमाथि दुर्व्यवहार भएको हो ।
ठिमी बितरण केन्द्रका सुपरभाइजर प्रमोद खड्काले उपभोक्रता रुद्र केसीको घरमा विद्युत् काट्न जाँदा कर्मचारी कृष्णबहादुर सुवाल,दावा ढकाल र गोविन्द श्रेष्ठमाथि दुर्व्यवहार भएको हो ।
पीडित कर्मचारीले प्रहरीकहाँ जाहेरी दिने तयारी गरेको समेत बितरण केन्द्र भक्तपुर थिमीका सुपरभाइजर खड्काले इमाउन्टेनटिभीलाई बताउनुभयो । घरमा रहेका व्यक्तिहरुले भने प्राधिकरणले विना जानकारी लाइन काटेको आरोप लगाएका छन ।
