एजेन्सी, ११ माघ । आतंकवादी आक्रमणको सूचना पाएपछि भारतको राजधानी दिल्लीमा सुरक्षा सतर्कता बढाइएको छ । भारतको गणतन्त्र दिवस २६ जनवरी मगंलबारका दिन आतंकवादी समुहहरुले दिल्ली, अयोध्या र बोधगयामा आक्रमण गर्ने तयारी गरेको सूचना पाएसंगै सुरक्षा सतर्कता बढाइएको हो ।
सो दिन रोहिंग्या घुसपैठको एक समूहले दिल्लीमा आक्रमण गर्न सक्ने आशंका गरिएको भारतीय सञ्चार माध्यमले जनाएका छन् । देशका धेरैवटा उग्रवादी संगठनले आतंकवादीसँग समन्वय गरेको संकेत पाएपछि सुरक्षा एजेन्सी सतर्क बनेको र दिल्लीलाई अलर्टमा राखिएको बताइएको छ ।
भारतमा जारी किसान आन्दोलनको आडमा दिल्ली लगायत देशका विभिन्न स्थान आतंकवादीहरुले हिंसा मच्चाउन सक्ने आशंका गरिएको हो ।
