एजेन्सी, १८ असोज । बलिउडका चकलेटी ब्वाई बरुण धवन यतिखेर खुब चर्चाका पात्र बनिरहेका छन् ।
उनलाई बलिउडका मिडियाले समेत राम्रो स्थान दिइरहेका छन् । उनको गत हप्ता रिलीज भएको जुडुवा २ ले समेत राम्रो व्यापार गर्दै २०१७ कै चैथो ठुलो ओपनर फिल्म बन्यो । यो भन्दा अघिका उनका ८ फिल्महरुले निकै राम्रो व्यापार गरेको थियो ।
बलिउडका फिल्म विश्लेषकका तरन आदर्शका अनुसार उनका हालै प्रदर्शनमा आएको फिल्मले समेत १०० करोड क्लबमा प्रवेश गर्ने दाबी गरेका छन् । यसै कारण उनको कन्फिडेण्ट यसरी बढेको छ कि उनी आफ्नो रेट बढाउन तरखरमा गरिरहेका छन् ।
लगातार हिट दिएका बरुनले आफ्नो फि बढाएर नयाँ फिल्म साइन समेत गरेको बलिउड मिडियाहरुले जनाएका छन् ।
