एजेन्सी,१६ पुष। आइसीसीले जारी गरेको पछिल्लो बरियतामा टेष्ट तर्फ भारतका विराट कोहलीलाई पछि पार्दै विलियम्सन टेष्ट वरियताको पहिलो नम्बरमा उक्लिएका हुन् । पछिल्लो वरियतामा ८ सय ९० रेटिङ अंकसंगै विलियम्सनले कोहलीलाइ पछि पारेका हुन।
८ सय ७९ रेटिङ अंकसंगै कोहली दोस्रो र ८ सय ७७ रेटिङअंकबाट अष्ट्रेलियाका स्टेभन स्मिथसंग तेस्रो स्थानमा छन् । टेष्टको बलिङ वरियतामा अष्ट्रेलीयाका प्याट कमिन्स पहिलो , इंग्ल्याण्डका स्टुवार्ट ब्रोड दोस्रो र न्युजिल्याण्डका नाथन वाग्नर तेस्रो स्थानमा रहेका छन् ।
यसैगरी एक दिवसीय क्रिकेटको विश्व वरियतामा व्याटिङतर्फ भारतका विराट कोहली पहिलो , भारतकै रोहित शर्मा दोस्रो र पाकिस्तानका बाबर आजम तेस्रो स्थानमा छन् । एकदिवसीय क्रिकेटको बलिङमा न्युजिल्याण्डका ट्रेन्ट बोल्ट पहिलो, अफगानीस्तानका मुजीबउर रहमान दोस्रो र भारतको जसप्रित बुमराह तेस्रो स्थानमा छन् ।
