काठमाडौ. १५ पुष । एनसेल आजियाटा लिमिटेडले अनपज अभियान र गो पहल अन्तर्गत ब्रेभ बोल्ड एण्ड व्युटीफुल प्रालिसंग मिस युनिभर्स नेपाल २०२० का लागि सहकार्य गरेको छ ।
महिला शसक्तिकरण गर्ने तथा आफ्ना सपना साकार पार्न अघि बढिरहेका महिलालाई सहयोग गर्ने उद्देश्यले सहकार्य गरेको एनसेलले जनाएको छ । प्रतियोगिताको फाईनल आज साँझ हुने छ ।
उत्कृष्ट १८ मा छानिएका मध्येबाट एक प्रतिष्पर्धिले मिस युनिभर्सको ताज जित्न सफल हुने छिन् । ताजसंगै विजयीले १५ लाख बराबरको पुरस्कार पाउने एनसेलले जनाएको छ । एनसेलले हालै मात्र महिलाहरुकोलागि अघि बढौँ भन्ने थिमका साथ विषेश रुपमा तयार पारिएको गो सिम प्याक ल्याएको थियो ।
