एजेन्सी,२ मंसिर। भारतको बिहार विधानसभा चुनावमा निर्वाचित भएपछि नीतिश कुमारले मुख्यमन्त्रीको सपथ लिनुभएको छ । नीतिश कुमारले सोमबार राजभवनमा राज्यपाल फागू चौहानसमक्ष ७ औँ पटक मुख्यमन्त्री पदको शपथ लिनुभएको हो ।
यस्तै नीतिश कुमारसँगै चार पटक विधायक तारकिशोर प्रसादले समेत मन्त्रीको शपथ लिनुभएको छ । यसैगी अति पिछडा वर्गबाट आएकी रेणु देवीलाई समेत शपथ गराइएको छ । नीतिशको छेउमा दुई कुर्सीमा तारकिशोर प्रासद तथा रेणु देवी बसेको देखिएपछि उनीहरुलाई उप–मुख्यमन्त्रीको शपथ गराइएको भारतीय सञ्चार माध्यमहरुले जनाएका छन् ।
नीतिशको मन्त्रीपरिषद्मा अन्य १४ जना मन्त्रीहरुले पनि शपथ लिएका छन्। शपथ समारोहमा केन्द्रीय गृहमन्त्री अमित शाह तथा भाजपाका अध्यक्ष जेपी नड्डाको समेत सहभागिता थियो । शपथ समारोहमा गृहमन्त्री शाह तथा नड्डा पहिलो पंक्तिमा बस्नुभएको थियो ।
