काठमाडाैं,२८ कार्तिक। नेपाली कांग्रेसको केन्द्रीय कार्यसमितिको बैठक आज बस्दैछ ।पार्टीका मुख्य सचिव कृष्णप्रसाद पौडेलका अनुसार कार्यसमिति बैठक दिउँसो एक बजे बस्ने भएको हो ।
पार्टीभित्रको विवाद समाधान गर्न लगातार भइरहेका छलफलबाट सहमति नजिक पुगेकाले आज बैठक बस्न लागेको नेपाली कांग्रेसले जनाइएको छ ।
आज पनि छलफल गरी सहमति भएका विषयलाई केन्द्रीय समितिको बैठकमा लगेर पारित गर्ने तयारी भैरहेको बताइएको छ । कांग्रेसमा क्रियाशील सदस्यता लागायत विधान विपरित गरिएका विभाग गठनको विषयलाई लिएर विवाद देखिदै आएको छ ।
