काठमाडौँ , ८ असोज । तेह्रथुमको एक बेस क्याम्पमा कार्यरत प्रहरी सहायक निरीक्षक झुण्डिएको अवस्थामा फेला परेका छन् ।
सशस्त्र प्रहरी सुरक्षा बेस क्याम्प आठराई सक्रान्तीबजारमा तेह्रथुममा कार्यरत प्रहरी सहायक निरीक्षक पूर्णबहादुर गुरुङ आफ्नै घरमा झुण्डिएको अवस्थामा भेटिएका हुन् ।
ताप्लेजुङको आठराई त्रिवेणी गाउँपालिका–१ घर भएका गुरुङ शनिबार राति आफ्नै घरको माथिल्लो तल्लामा झुण्डिएको अवस्थामा फेला परेको प्रहरीले जनाएको हो ।
शव परीक्षणका लागि जिल्ला अस्पताल ताप्लेजुङ लगिएको प्रहरीले जानकारी दिएको छ ।
४१ वर्षीय गुरुङ असोज ५ गते बिदामा घर गएका थिए ।
