काठमाडौं, ५ साउन । इटालियन सिरी ’ए’ फुटबलमा आज राति लिग लिडर युभेन्टसले लाजियोसँग प्रतिस्पर्धा गर्दैछ । उपाधि दाबेदार युभेन्टसले घरेलु मैदानमा लाजियोको सामना गर्न लागेको हो ।
एलिनाज रंगशालामा हुने खेलमा युभेन्टस लाजियोलाई हराएर उपाधि होड बलियो बनाउने र शीर्ष स्थानको अग्रतासमेत फराकिलो बनाउने योजनामा रहेको छ ।
दुई टोलीबीचको खेल नेपाली समय अनुसार आज राति साढे १ बजे सुरु हुनेछ । लिग लिडर युभेन्टसले ३३ खेलमा ७७ अंक जोडेको छ ।
युभेन्टस दोस्रो स्थानको इन्टर मिलान भन्दा ५ अंकले अघि रहेको छ । इन्टरको ७२ अंक रहेको छ । युभेन्टसलाई लाजियोलाई हराउँन सहज भने छैन । यस सिजन उत्कृष्ट खेलिरहेको लाजियो चौंथो स्थानमा रहेको छ । लाजियोले ६९ अंक जोडेको छ ।
लाजियो युभेन्टसलाई हराएर दोस्रो स्थानको इन्टरमिलानसँग अंक बराबरी गर्ने दाउमा रहेको छ ।
