नवलपरासी, २९ भदौ । मालपोत कार्यालय कावासोतीका प्रमुख खगेन्द्र घिमिरेलाई बिहीबार कार्यकक्षमै थुनेर कालोमोसो दलिएको छ । तीन जना अज्ञात मानिस कार्यकक्षमा प्रवेश गरी घिमिरेलाई कोठमा थुनेर कालोमोसो दलेका हुन्।
कालोमोसो दलेपछि उनीहरुले मालपोत कार्यालयमा पर्चा फालेर फरार भएका थिए । उनीहरुको खोजी कार्य जारी रहेको प्रहरीले जानकारी दिएको छ। पर्चाको अध्ययन गर्दा कालोमोसो दल्नेहरु विप्लव नेतृत्वको नेपाल कम्युनिष्ट पार्टीका कार्यकर्ता हुन सक्ने प्रहरीले अनुमान गरेको छ ।
पर्चामा जग्गाको कारोवार गर्दा किर्ते गरेको । तीस लाखभन्दा बढी ठेली र अंक घटाई लाग्ने पूँजीगत लाभकर नलाग्ने बनाई सो वापत लाखौं भ्रष्टाचार गरेको लगाएतका आरोप छन् ।
