काठमाडौं, ३० बैशाख । संस्कृतिविद् सत्यमोहन जोशी सोमबारबाट सय बर्षमा प्रवेश गर्नुभएको छ ।
जोशी सय बर्षमा प्रवेश गर्नुभएकोमा ललितपुर महानगरपालिकाले उहाँको सम्मान स्वरुप सोमवार सार्वजनिक विदाको घोषणा गरेको छ । महानगरपालिकाले जोशीको सम्मानमा विभिन्न कार्यक्रमसमेत गर्दैछ । जोशी सय बर्षमा प्रबेश गर्नुभएकोमा राष्ट्रपति विद्यादेवी भण्डारीले उहाँको दीर्घायु र सुस्वास्थ्यको कामना गर्नु भएको छ । राष्ट्रपति भण्डारीले संस्कृतिविद् जोशीलाई पठाउनु भएको मंगलमय कामना सन्देश सोमबार बिहान उहाँकै निवासमा आयोजित एक समारोहमा पढेर सुनाइएको थियो । राष्ट्रपति भण्डारीले पठाउनु भएको सन्देशमा नेपाली भाषा र संस्कृतिको श्रीवृद्धिमा पनि उहाँले पु¥याउनु भएको योगदान उल्लेखनीय रहेको स्मरण गरिएको छ ।
जोशी सय वर्ष पुगेको अवसर पारेर सोमबार विहान उहाँकै निवासमा आफन्तजनहरुले सुस्वास्थ्य र दीर्घायूको कामना पनि गरेका छन । सोमवार बिहान जोशीको निवासमा पुग्नु भएका ललितपुर महानगरपालिकाका मेयर चिरिबाबु महर्जन र उहाँका आफन्तहरुले उहाँको सुस्वास्थ्य र दीर्घायुको कामना गर्नु भएको थियो ।
