काठमाडाैं, १६ फागुन । थाइल्याण्डमा सम्पन्न आइसीसी महिला टि-२० विश्वकपको एसियाली छनोट प्रतियोगिता खेलेर नेपाली टिम बिहीवार स्वदेश फर्किएको छ । थाइल्याण्डमा भएको प्रतियोगितामा नेपाली टिम उपविजेता बने पनि विश्वकप छनोटको अर्को चरणमा भने स्थान बनाउन सकेन ।
थाइल्याण्डसँगको पराजयका कारण नेपाली टिमको यात्रा रोकिएको हो । नेपाली महिला खेलाडीले अनुभव र तयारीका लागि यथेष्ट समय नपाएका कारण अर्को चरणमा पुग्न नसकेको प्रतिक्रिया दिएका छन् ।
