काठमाडौं।
प्रधानमन्त्री शाहले सुदूरपश्चिम प्रदेशका प्रत्यक्ष निर्वाचित सांसदहरूसँग सिंहदरबारमा महत्वपूर्ण छलफल गरेका छन्। बिहान ११ बजेदेखि सुरु भएको बैठकमा स्थानीय समस्या, विकासका चुनौती र जनताका मागबारे प्रत्यक्ष रूपमा जानकारी लिइएको प्रधानमन्त्री कार्यालयले जनाएको छ।
प्रधानमन्त्री शाहले प्रदेशका वास्तविक समस्या बुझ्दै समाधानको दिशामा अघि बढ्ने संकेत दिएका छन्। यसअघि उनले कर्णाली र कोशी प्रदेशका सांसदहरूसँग पनि यस्तै छलफल गरिसकेका छन्, जसले सरकार प्रदेशकेन्द्रित समाधानतर्फ सक्रिय देखिएको संकेत गर्दछ।
