२०८१,११,२७
शेयर बजार आज पनि घटेको छ । शेयर बजार परिसूचक नेप्से आज ३२ दशमलव २१ अङ्कले घटेर २ हजार ७ सय १९ दशमलव २० विन्दुमा झरेको छ । शेयर बजार लगातार सातौं कारोबार दिन घटेको हो । आज विकास बैंकबाहेक सबै समूहको शेयर घटेकोमा उत्पादन समूहको शेयर साढे २ प्रतिशतले ओरालो लागेको छ । यस्तै फाइनान्स, जलविद्युत्, लगानी, अन्य, व्यापार समूहको शेयर साढे १ प्रतिशतभन्दा धेरैले घटेको छ ।
आज नेस्डो समृद्ध लघुवित्त कम्पनीको शेयर साढे ६ प्रतिशतले ओरालो लागेको छ । बजार उच्च अङ्कले घटेको दिन महालक्ष्मी विकास बैंकको शेयर भने झन्डै १० प्रतिशतले बढेको छ । आज बजार घटे पनि कारोबार रकम भने सामान्य बढेको छ । हिजो ८ अर्ब ३७ करोडको कारोबार भएकोमा आज ३ सय ३ वटा कम्पनीका १ करोड ५५ लाख कित्ता शेयर ८ अर्ब ३९ करोड रुपैयाँमा किनबेच भएको छ ।
