काठमाडौं, ५ भदौ । राष्ट्रपति रामचन्द्र पौडेलले आज सर्वदलिय बैठक बोलाएका छन् । पौडेलले शीतल निवासमा बिहान ८ बजे संसदमा प्रतिनिधित्व गर्ने दलका शीर्ष नेताहरुसँग छलफल गर्ने भएका हुन् ।
पौडेलले बोलाएको सर्वदलिय बैठकमा प्रमुख प्रतिपक्षी दल नेकपा एमाले भने नजाने भएको छ ।
साउन १० गतेदेखि संसद अवरुद्ध गर्दै आएको एमालेले आज अवरोध नगर्ने भएको छ । एमालेले सुन तस्करी प्रकरणमा उच्चस्तरीय छानबिन समिति गठनको माग गर्दै आएको थियो ।
सोमबार राति प्रधानमन्त्री कार्यालयमा बसेको राष्ट्रिय मान्यताप्राप्त दलहरुको संयुक्त बैठकमा उच्चस्तरीय छानबिन समिति गठन गर्ने सरकार तयार भएपछि एमाले पनि संसद बैठक सञ्चालन गर्न दिन तयार भएको हो ।
