काठमाडौं । स्थानीय तहको चुनावका लागि मतदाता नामावली आज टुंगो लाग्दैछ ।
मतदाता नामावली अध्यावधकि गर्ने काम अन्तिम चरणमा पुगेको निर्वाचन आयोगले जनाएको छ ।
आयोगका अनुसार आजै बेलुकासम्ममा नामावलीको अन्तिम टुंगो लाग्ने छ । १ करोड ४० लाखको हाराहारीमा मतदाता हुने अनुमान गरिएको छ ।
मतदाता नामावलीको काम टुंगिनासाथ मतदाता छपाइको काम सुरु हुनेछ । आयोगको कार्यालयमै मतदाता परिचयपत्र छपाइ गरिने छ । सोमबारदेखि मतदाता परिचयपत्र छाप्नेगरी प्रिन्टिङ सेटअपको काम भइसकेको छ ।
यस्तै आयोगले मतदान केन्द्रको संख्या निर्धारण पनि लगभग अन्तिम चरणमा पुगेको जनाएको छ । प्रदेश नम्बर २ बाट केन्द्र सिफारिस नभएकाले त्यहाँका ६ जिल्लामा के गर्ने भन्ने टुंगो लाग्नासाथ मतदान केन्द्र निर्धारण हुनेछ ।
यसबारेमा आयोगले निर्णय गर्न बाँकी रहेको प्रवक्ता सुर्यप्रसाद शर्माले जानकारी दिनुभयो । आयोगले दुई नम्बर प्रदेशका ६ जिल्लामा पुरानै निर्वाचन केन्द्र निर्धारण गर्ने तयारी गरिरहेको छ । बारा र पर्साबाट भने मतदान केन्द्रको सफारिस आइसकेको छ ।
