काठमाडौं । अभिनेत पल शाहले आफु महाविश्वविद्यालयबाट कोर्श गरेर आएको बताएका छन् ।
तनँहु जिल्ला कारागारबाट सोमबार रिहा भएका शाह आज काठमाडौं आइपुगेका हुन् । एक वर्षको जेल बसाई पछि आज काठमाडौंमा सञ्चारकर्मीहरुलाई संक्षिप्त प्रतिक्रिया दिदै उनले आफ्नो जेल बसाई सुखमय रहेको समेत बताएका छन् ।
‘म ठूलो महाविश्वविद्यालयमा थिए । म त्यहाँ कोर्श गरेर आएको छु । अन्य कुरा भने पछि भन्ने छु । म त्यहाँ सुखमय तरिकाले बसेको थिए । बसाई राम्रो भयो । राम्रो राम्रो ज्ञान सिकेर आएको छु,’ शाहले भने ।
आइतबार उच्च अदालतका कायममुकायम मुख्य न्यायाधीश डिल्लीराज आचार्य र न्यायाधीश श्रीधराकुमारी पुडासैनीको संयुक्त इजलासले जिल्ला अदालत नवलपुरको आदेश उल्ट्याउँदै शाहमाथिको अभियोग दाबी नपुग्ने ठहर गरेको थियो।
