काठमाडौं । किशोरी बलात्कार आरोपमा पुर्पक्षका लागि थुनामा रहेका खेलाडी सन्दीप लामिछानेको पुनरावेदनको पेसी आज परेको छ ।
नेपाली राष्ट्रिय टिमका पूर्वकप्तान समेत रहेका लामिछानेको आज पाटन उच्च अदालतमा पेसी हुने भएको हो ।
मुद्दाको बहस हुने र आजै फैसला आउन सक्ने स्रोतले जनाएको छ ।
गत साता नै पेसी तोकिएको भएपनि सन्दीप पक्षका वकिलहरुले नै स्थगित गरेका थिए ।
पीडित किशोरीको जन्मसम्बन्धि प्रमाण जुटाउन गत पुस १२ गते काठमाडौं जिल्ला अदालतले आदेश दिएको हो ।
पीडित किशोरी नाबालिग भनिएपनि किशोरी १८ वषै नाघेको सन्दीप पक्षका वकिलहरुले दाबी गर्दै आएका छन् ।
अदालतले क्रिकेटर दव खनाल र मेडिकल गराएका चिकित्सकलाई समेत झिकाएर बकपत्र गराउन पुस २५ गतेसम्मको समय दिएको छ ।
