एजेन्सी, २९ कार्तिक । बहुचर्चित फिल्म ‘बहुबली’ मा समेटिएको एक स्टन्ट सीनको नक्कल गर्न खोज्दा एक युवक गम्भिर घाईते भएका छन्।
फिल्म बहुबलीमा अभिनेता प्रभास हात्तीको सुँड समातेर हात्तीको टाउकोमा जान्छन् । फिल्मको यही सीनलाई नक्कल गर्न खोज्दा भारत केरला राज्यका एक युवक अस्पताल पुगेका छन् ।
ती युवकले पहिले हात्तीलाई केही खाने कुरा दिए र सुड समातेर हात्तीको टाउकोमा चढ्ने कोशिस गरे । रिसले चुर परेको हात्तीले ती युवकलाई हावामा फालिदियो ।
ती युवकको गर्दनमा गहिरो चोट लागेको छ भने अन्य अंगको हड्डी समते भाँचिएको छ । अहिले अस्पतालमा उपचार गराईरहेका ती युवकको अवस्था गम्भीर रहेको भारतीय मिडियाले जनाएको छ ।
