काठमाडौँ, १२ कार्तिक। राष्ट्रिय जनता पार्टीका महासचिव मनिष सुमनले लोकतान्त्रिक गठबन्धन बनाउन कांग्रेसले इमान्दारिता नदेखाएको बताएका छन्।
आइतबार राजधानीमा आयोजित एक कार्यक्रममा बोल्दै उनले कांग्रेसलाई गठबन्धनप्रति कुनै चासो नभएको र चनाबी तालमेल गर्नु पनि एउटा बाध्यता रहेको दाबी गरेका छन्।
तालमेलको नाममा कांग्रेसले आफुखुशी उम्मेदवार बनाएको र कार्यदलको बैठकमा पनि जिम्मेवारी बहन नगरेको उनको आरोप छ । तालमेल गर्नका लागि हैसियत अनुसार सिट बाँडफाँड गर्नुपर्ने उनको सुझाव छ।
साथै मधेसीको मागअनुसार संविधान संशोधन गर्ने प्रतिवद्धता कांग्रेसले गर्नु पर्ने नेता सुमनको भनाइ छ ।
