काठमाडौं । नेपालमा पछिल्लो २४ घण्टामा ५ हजार ९ सय ४ जना कोरोना संक्रमणबाट मुक्त भएका छन् । बिहीबार स्वास्थ्य मन्त्रालयले दिएको जानकारीअनुसार हालसम्म नेपालमा ८१ प्रतिशत कोरोना संक्रमणबाट निको भएका हुन् ।
त्यसैगरी पछिल्लो २४ घण्टामा ६ हजार ८ सय २५ जनामा संक्रमण पुष्टि भएको छ । मन्त्रालयका अनुसार देशभर गरिएका २१ हजार ७ सय 73 जनाको पीसीआर–एन्टिजेन परीक्षणमा ६ हजार ८ सय २५ जनामा कोरोना संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा ७५ संक्रमितले ज्यान गुमाएका छन् । योसंगै नेपालमा कोरोना संक्रमणबाट मृत्यु हुनेको संख्या ७ हजार ६ सय ३० पुगेको छ ।
