एजेन्सी, २१ वैशाख । एफ ए कप फुटबल प्रतियोगिताको फाइनल अगष्टको पहिलो साता गर्ने तयारी भएको छ ।
पछिल्लो योजना अनुसार एफ ए कपको फाइनल अगष्टको पाँच या ८ तारिखमा गर्ने तयारी भएको छ । यो सिजनको अन्तिम खेलका रुपमा एफ ए कपको फाइनल हुनेछ । एफ ए कपका सात वटा खेल खेल्न बाँकी रहेको छ । अहिले क्वारटफाइनल चरणमा रहेको एफ ए कपका बाँकी सबै खेल वेम्ले रंगशालामा खेलाउने तयारी भइरहेको छ ।
प्रतियोगिताको क्वाटरफाइनलमा लेस्टर र चेल्सी, न्यूक्यासल र म्यानचेस्टर सिटी, सेफिल्ड र आर्सनल तथा नोर्वीच र म्यानचेस्टर युनाइटेड भिड्नेछन । एफ ए का प्रमुख कार्यकारी मार्क बलिङघमले यदि यो सिजन सुचारु नभएको खण्डमा एक सय मिलियन पाउण्ड गुमाउने पक्का भएको बताउनुभएको छ ।
