काठमाडौं, १४ वैशाख । गृहमन्त्रालयले सबै जिल्ला प्रशासन कार्यालयहरुलाई पास बिनाका कुनैपनि सवारीसाधनलाई आवतजावतमा रोक लगाउन निर्देशन दिएको छ ।
सोमबार परिपत्र गर्दै गृह मन्त्रालयले बिचल्लीमा परेकालाई उद्दारका लागि अनौपचारिक रुपमा खुकुलो गराईएकोमा अधिकांशको उद्दार भइसकेको ठहर गर्दै आजबाट सवारीसाधन सञ्चालनमा रोक लगाएको हो ।
सवारीसाधनमा हुलमुलका साथ यात्रा गर्दा कोरोना संक्रमणले थप जटिलता निम्ताउन सक्ने भएकोले कडाइ गरिएको गृह मन्त्रालयले जनाएको छ ।
