बुटवल, ६ फागुन । राप्रपा अध्यक्ष कमल थापाले सरकार ढाल्ने षड्यन्त्र भइरहेको भन्ने अभिव्यक्तिका सम्बन्धमा जनतालाई प्रष्ट जानकारी गराउन प्रधानमन्त्री केपी शर्मा ओलीसंग आग्रह गर्नु भएको छ ।
मंगलबार बुटवलमा आयोजित पत्रकार सम्मेलनमा बोल्दै राप्रपा अध्यक्ष थापाले कुन शक्तिले सरकार ढाल्ने षड्यन्त्र गरेको भन्ने प्रधानमन्त्रीले प्रष्ट गर्नु पर्ने बताउनु भएको हो । प्रधानमन्त्री ओलीले आइतबार गृह जिल्ला झापामा सरकार ढाल्ने षड्यन्त्र भईरहेको अभिव्यक्ति दिनुभएको थियो ।
पार्टीको ५ नं. प्रदेश स्तरीय प्रशिक्षण कार्यक्रममा बुटवल आउनु भएका अध्यक्ष थापाले तीन पार्टी बिचको एकताका काम सकिएको बताउँदै एकताकालागि पशुपति समशेर राणा र प्रकाशचन्द्र लोहोनीको फोन कुरेर बसेको बताउनु भयो ।
कार्यक्रममा उहाँले एमसीसी नेपालका हितमा रहेको बताउँदै सत्तारुढ दलका जिम्मेवार नेताबाटै त्यसको बिरोध हुँदा गम्भिर प्रश्न र आशंका उत्पन्न भएको उल्लेख गर्नुभयो ।
