काठमाडौं, ११ माघ । ए डिभिजन लिग फुटबल अन्तर्गत आज दुई खेल हुँदैछ पहिलो खेलमा आर्मी र एनआरटी तथा दोस्रो खेलमा कटा क्लब र फ्रेन्ड्सबीच प्रतिस्पर्धा हुदैछ ।
त्रिपुरेश्वरस्थित दशरथ रंगशालामा हुने पहिलो खेलमा त्रिभुवन आर्मी क्लब र न्युरोड टिम एनआरटी क्लबबीच प्रतिस्पर्धा हुनेछ भने दोस्रो खेलमा संकटा क्लब र फ्रेन्ड्स क्लब भिड्नेछन् । आर्मी तालिकाको शीर्ष स्थानमा छ ।
तर अरु दुई टिमको पनि आर्मीको समान १६ अंक भएकाले आजको खेलमा जीत निकाले स्पष्ट तीन अंकले लिड लिने छ । एनआरटी भने ११ अंकको साथमा सातौं स्थानमा छ । आजको खेलमा एनआरटी विजयी भए चौथो स्थानमा रहेको थ्रीस्टारसँग अंक बराबरी गर्ने छ । आर्मी र एनआरटी बराबरीमा रोकिए आर्मीले १ अंकको अग्रता लिने छ भने एनआरटीले पाँचौं स्थानमा जावलाखेलसँग अंक बराबरी गर्ने छ । यता फ्रेण्ड्स जारी लिगमा ११ औं स्थानमा छ भने संकटा नवौं स्थानमा छ ।
आजको खेलमा फ्रेण्ड्स विजयी भए आठौं स्थानमा पुग्ने छ भने संकटा विजयी भए छैटौं स्थानमा उक्लने छ । प्रतियोगिता अन्र्तगत शुक्रबार मनाङ र च्यासल विजयी भएका थिए ।
