काठमाडौं, १० पुस । कतार एयरवेज सहिद स्मारक ए डिभिजन लिगमा आज दुई खेल हुँदैछन् । अखिल नेपाल फुटबल संघ एन्फाका अनुसार पहिलो खेलमा ब्रिगेड ब्वाईज क्लब र मनाङ मस्याङ्दी क्लब तथा दोस्रो खेलमा संकटा क्लब र जावलाखेल युथ क्लबबीच प्रतिस्पर्धा हुनेछ ।
पहिलो खेल एन्फा कम्प्लेक्समा मध्यान्न १२ बजे सुरु हुनेछ भने दोस्रो खेल दशरथ रंगशालामा दिउँसो ३ बजे सुरु हुनेछ । ब्रिगेड एक जित र एक हारसहित ३ अंक बटुल्दै लिगको सातौं स्थानमा हरेको छ । अपराजित जावलाखेलको पनि २ खेलबाट ४ अंकको रहेको छ ।
यता दोस्रो खेलमा संकटाले जावलाखेल माथि जित दर्ता गर्दै स्पष्ट तीन अंकको खोजिमा हुने छ । जावलाखेलले पहिलो खेलमा थ्रीस्टारलाई गोलरहित बराबरीमा रोकेको थियो भने दोस्रो खेलमा सरस्वती युवा क्लबमाथि १–० को जीत दर्ता गर्दै तीन अंक हात पारेको थियो ।
बिहिबारको खेलमा दुवै टिम स्पष्ट तीन अंक जोड्ने लक्ष्यका साथ मैदान उत्रने छन् ।
