काठमाडौं, २ पुस । नेपाली राष्ट्रिय यू–१९ महिला फुटबल टिमले दोस्रो मैत्रीपूर्ण खेलमा बहराईनलाई पराजित गरेको छ । बहराईनको मनामामा मंगलबार राति भएको खेलमा नेपालले घरेलु टिम बहराईन यू –१९ टिमलाई ३–० गोल अन्तरले पराजित गरेको हो ।
नेपालको जितमा कप्तान सरु लिम्बु, रेखा पौडेल र दिल कुमारी रानाले एक एक गोल गरे । यस अघि पहिलो मैत्रीपूर्णमा पनि नेपालले बहराईनलाई ४–२ गोल अन्तरले पराजित गरेको थियो ।
नेपाली टिमले अब अन्तिम मैत्रीपूर्ण खेलमा बिहिबार बहराईनको राष्ट्रिय टिमसँग खेल्नेछ ।
