काठमाडौं, २ मंसिर । बंगलादेशमा सम्पन्न पहिलो संस्करणकोे एसियन भलिबल कन्फेडेरेसन एभिसी सेन्ट्रल जोन सिनियर महिला भलिबल प्रतियोगिताकोे उपाधि विजेता नेपाली राष्ट्रिय महिला भलिबल टोली सम्मानित भएको छ ।
नेपालका लागि भलिबलमा पहिलो अन्तराष्ट्रिय उपाधि जितेको राष्ट्रिय महिला भलिबल टोलीलाई सोमबार राष्ट्रिय वाणिज्य बैंकले सम्मान गरेको हो । बैंकले महिला टिमलाई हौसला प्रदान गर्न सम्मान गरिएको जनाएको छ ।
बंगलादेशको राजधानी ढाकामा कात्तिक २८ गते भएको फाइनलमा माल्दिभ्सलाई ३–० को सोझो सेटमा हराउँदै नेपालले ऐतिहासिक उपाधि जितेको थियो ।
