काठमाडौं, २७ कात्तिक । प्रधानमन्त्री केपी शर्मा ओलीले नेपालको चार दिने भ्रमणमा रहनु भएका बंगलादेशका राष्ट्रपति मोहम्मद अब्दुल हमिदसंग बुधबार भेटवार्ता गर्नुभएको छ ।
काठमाडौंको मेरियट होटलमा भएको भेटवार्तामा दुइदेशको आपसी हितका बिषयमा छलफल भएको थियो । यसअघि राष्ट्रपति हमिदसंग राष्ट्रिय सभाका अध्यक्ष गणेश तिमिल्सिना, नेकपाका अध्यक्ष पुष्पकमल दाहाल र नेपाली कांग्रेसका सभापति शेरबहादुर देउवाले पनि छुट्टा छुट्टै भेटवार्ता गर्नुभएको थियो । हमिद नेपालको चार दिने भ्रमणमा मंगलवार काठमाडौं आउनुभएको हो ।
