काठमाडौं, २६ कात्तिक । बंगलादेशमा जारी एभीसी सेन्ट्रल जोन वुमन्स भलिबल च्याम्पियनसिपमा आज नेपाल र बंगलादेशबीच खेल हुँदैछ । मिरपुरमा रहेको इन्डोर स्टेडियममा हुने खेल नेपाली समय अनुसार दिउँसो पौने ३ बजेदेखि शुरु हुनेछ ।
स्वर्ण पदक जित्ने लक्ष्यका साथ बंगालदेश पुगेका नेपालले पहिलो खेलमा अफगानिस्तान र दोस्रो खेलमा कीर्गिस्तानलाई पराजित गरेको थियो । आज हुन समूह चरणको खेलमा नेपालले घरेलु टोली बंगलादेशविरुद्ध पनि सहज जीतको खोजिमा हुनेछ भने नेपालले बुधबार लिग चरणको अन्तिम खेलमा बलियो प्रतिद्वन्दी माल्दीभ्ससँग खेल्नेछ । राउण्ड रोबिन लिगको शीर्ष दुई टिमले स्वर्ण पदकका लागि प्रतिस्पर्धा गर्ने छन् ।
