काठमाडौं, ३१ वैशाख । धनकुटामा जारी शहीद भीमनारायण स्मृति अन्तर्रा्ष्ट्रिय आमन्त्रण गोल्डकप फुटबल प्रतियोगिता अन्तर्गत आज फ्रेण्डस् क्लब ललितपुर र सशस्त्र प्रहरी बल (एपिएफ) काठमाडौं विच प्रतिस्पर्धा हुनेछ ।
खेल धनकुट्टा जिल्लाको तल्लो टुँडिखेलमा अपराह्न ३ बजे सुरु हुनेछ । आजको प्रतिस्पर्धामा रहेका दुवै टिम फ्रेण्डस् र एपीएफ ए डिभिजन क्लब हुन् । प्रतियोगिताको सोमबार सम्पन्न खेलमा दाफिन्स फुटबल क्लब क्यामरुन सेमिफाइनल प्रवेश गरेको छ । दाफिन्सले धरान फुटबल क्लबलाई ५–० गोलको फराकिलो अन्तरले जित हासिल गरेको थियो । दाफिन्सलाई सहज जित दिलाउन यान्निक ओवाना र कोनोले समान २–२ गोल गरे । अर्को गोल पेटन्गाले गरेका थिए ।
खेलको म्यान अफ दि म्याच विजेता टिमका टिम क्याप्टेन अउरेल उनामे घोषित भए । शनिबारदेखि जारी प्रतियोगितामा दुई अन्तर्रा्ष्ट्रिय टिमसहित आठ टिम सहभागी रहेका छन् । प्रतियोगितामा विजेताले चार लाख रुपैयाँ र उपविजेताले दुई लाख रुपैयाँ पुरस्कार पाउने छन् ।
