डडेल्धुरा, २७ चैत । डडेल्धुरा अमरगढी नगरपालिका ११ धनगाड नजिकै बुधबार भएको बस दुर्घटनामा परी ३१ जना घाईते भएका छन् । धनगढीबाट अछामतर्फ गईरहेको ना ४ ख ६८३६ नम्बरको बस डडेल्धुराको केआई सिंह राजमार्ग सडक खण्ड अन्र्तगत धनगाड नजिकै बस दुर्घटना भएको हो । घाईते ३१ जना मध्ये गम्भीर घाईते एक जनालाई थप उपचारका लागि धनगढी रिफर गरिएको छ ।
बाँकी घाईते अधिकांश उपचारपछि घर फर्किसकेका छन् । केही घाईतेको डडेल्धुरा अस्पताल डडेल्धुरामा उपचार भईरहेको छ । बस सडकमै पल्टीएका कारण मानविय क्षति धेरै नभएको प्रहरीले जनाएको छ । क्षमता भन्दा बढी भार भएका कारण बस पल्टीएको हुन सक्ने प्रहरीले जानकारी दिएको छ ।
