काठमाडौं, १९ चैत । एएफसी कप फुटबल अन्तर्गत समूह चरणको पहिलो खेलमा नेपालको लिग च्याम्पियन मनाङ मर्स्याङ्दी क्लबले बुधबार पहिलो खेल खेल्दैछ ।
बुधवार एन्फा कम्प्लेक्स सातदोबाटोमा हुने पहिलो खेलमा मनाङले बंगलादेशी लिग विजेता ढाका अबहानी लिमिटेडसंग खेल्नेछ । मनाङ र अबहानीबीचको खेल बुधवार अपरान्ह ३ बजे हुनेछ ।
अबहानीको अगाडी मनाङले निकै मेहनत गर्नुपर्नेछ । अवहानी बंगलादेशको निकै बलियो टिम मानिन्छ । अबहानीसंग बंगलादेश राष्ट्रिय फुटबल टोलीका ७ खेलाडी रहेका छन् । यता घरेलु मैदानमा हुने खेलमा मनाङलाई समर्थकहरुको निकै बलियो साथ रहनेछ ।
