काठमाडौं, १२ फागुन । कोरम नगुेपछि संसदीय सुनुवाइ विशेष समितिको बैठक स्थगित भएको छ ।
आज बिहान ११ बजेको लागि बोलाइएको बैठकमा सांसदको कोरम नपुगेपछि बैठक स्थगित गरिएको हो । बैठकमा मधेसी र थारु आयोगका प्रस्तावित अध्यक्षहरूको सुनुवाइ गर्ने कार्यसूची रहेको थियो । संवैधानिक परिषद्ले मधेसी आयोगमा विजयकुमार दत्त र थारु आयोगमा विष्णुप्रसाद चौधरीको नाम सिफारिस गरेको थियो ।
बैठक स्थगित भए संगै दुबै आयोगका अध्यक्षहरुको सुनुवाई पनि पर धकेलिएको छ । समितिमा प्रतिनिधित्व गर्ने नेपाली कांग्रेसका सांसदहरुले भने सरकारले प्रमुख प्रतिपक्षीदलका नेता शेरबहादुर देउवाको अनुपस्थितिमा सम्बैधानिक परिषदले आयोगका अध्यक्षहरु सिफारिस गरेको भन्दै समितिको बैठक बहिष्कार गर्दे आएका छन । तर, आईतवार बोलाइएको बैठकमा समितिमा प्रतिनिधित्व गर्ने सत्तारुढ दलका सांसदहरुको नै उपस्थिति न्यून रहेपछि बैठक स्थगित भएको हो ।
