काठमाडौं, ७ फागुन । २००७ साल फागुन ७ गते प्रजातन्त्र स्थापना भएको दिनको सम्झनामा आज देशभर विभिन्न कार्यक्रम गरी राष्ट्रिय प्रजातन्त्र दिवस मनाइँदै छ ।
प्रधानमन्त्री केपी शर्मा ओलीले प्रजातन्त्र दिवसको अवसरमा शुभकामना दिँदै दशकौँ देखिको विकास र समृद्धिको नेपाली चाहना अब पूरा हुने बताएका छन् । उनले मुलुक समृद्धिको दिशामा अघि बढेको भन्दै दशकौँ देखिको विकास र समृद्धिको नेपालीको चाहना अब पूरा हुने क्रममा रहेको बताएका हुन् ।
वर्तमान सरकार ‘समृद्ध नेपाल, सुखी नेपाली’को लक्ष्यका साथ आर्थिक एवं सामाजिक रुपान्तरणका लागि केन्द्रित भएको उनको शुभकामना सन्देशमा उल्लेख छ । ।ओलीले प्रजातन्त्र प्राप्तिको आन्दोलनमा शहादत प्राप्त गर्ने सबैमा श्रद्धाञ्जलिसमेत व्यक्त गरेका छन् । प्रजातन्त्र दिवसकै अबसरमा पूर्वराजा ज्ञानेन्द्र शाहले सबै अटाउने प्रणाली सबैको आस्थाको केन्द्र राष्ट्र बन्न नसकेसम्म प्रजातन्त्रले मूर्तरुप लिन नसक्ने बताउका छन् ।
