वीरगंज, १२ माघ । वीरगंज भन्सार कार्यालयले अन्तर्राष्ट्रिय भन्सार दिवसका अवसरमा शनिवार विभिन्न कार्यक्रम गरेको छ । भन्सार कार्यालयले दिवसका अवसरमा व्याडमिन्टन, सरसफाई तथा बृक्षारोपण कार्यक्रम गरेको हो ।
कार्यक्रममा सहभागीहरुले भारतसंगको व्यापारलाई सहज बनाउने उद्देश्यले रक्सौल नाकामा निर्माण भएको एकिकृत भन्सार जाँच चौकी संचालनमा नआएको भन्दै चिन्ता व्यक्त गरेका थिए । त्यसैगरी, कपिलवस्तु स्थित भन्सार कार्यालयले पनि विभिन्न कार्यक्रम गरेको छ । कार्यालयले दिवसका अवसरमा भन्सार परिक्षणमा बृक्षारोपण समेत गरेको छ ।
