काठमाडौं, १२ मंसिर । सिन्धुपाल्चोकमा राष्ट्रिय जलवायु सम्मेलन हुने भएको छ ।
जलवायु परिवर्तनका समस्या र असरबारे बृहत छलफल गरी सरकार र सरोकारवालालाई समाधानका उपाय बुझाउने उद्देश्यले सम्मेलन गर्न लागिएको हो । सम्मेलनमा एक करोड खर्च हुने अनुमान छ ।
सम्मेलन पुसमा आयोजना हुने भनिए पनि ठ्याक्कै मिति भने तय भइसकेको छैन । सिन्धुपाल्चोक जिल्ला समन्वय समितिका सभापति कृष्णगोपाल तामाङका अनुसार पुसमा जलवायु सम्मेलन हुने र केही दिनमै मिति पनि तय गरिने बताएका छन् ।
