बाँकेमा माइक्रोबस र ट्रक ठोक्किँदा ६ को मृत्यु, १७ घाइते

बाँके, २० असोज । बाँकेमा माइक्रो बस र ट्रक एक आपसमा ठोक्किँदा ६ जनाको मृत्यु भएको छ भने १७ जना घाइते भएका छन् ।

दाङको तुलसीपुरबाट नेपालगञ्ज आउँदै गरेको रा१ख १६६२ नम्बरको माइक्रो बस र नेपालगञ्जबाट दाङतर्फ जाँदै गरेको लु१ख ७७२९ नम्बरको ट्रक आज बिहान बाँकेको राप्ती सोनारी गाउँपालिका–९ मुगुवा खोला नजिक ठोक्किएर उक्त दुर्घटना भएको प्रहरीले जनाएको छ ।

दुर्घटनामा चारको घटनास्थलमै मृत्यु भएको छ । दुईजनाको शिक्षण अस्पताल कोहलपुरमा उपचारको क्रममा मृत्यु भएको प्रहरीले जनाएको छ । दुर्घटनामा घाइते १७ को शिक्षण अस्पताल कोहलपुरमा उपचार भइरहेको छ ।