काठमाडौँ, ८ भदौ । राष्ट्रपति विद्यादेवी भण्डारीले प्रदेश नं २ मा सेना परिचालन गर्न स्वीकृति दिएकी छन् । प्रदेश नम्बर २ मा आगामी असोज २ गते स्थानीय तहको निर्वाचन हुँदै छ । २ नम्बर प्रदेशमा हुन लागेको निर्वाचन तेस्रो चरणको हुनेछ । बाँकी प्रदेशमा यस अघि निर्वाचन सम्पन्न भएको छ ।
राष्ट्रिय सुरक्षा परिषद्को सिफारिस र मन्त्रिपरिषद्को निर्णयअनुसार प्रधानमन्त्री देउवाले सेना परिचालनका निम्ति राष्ट्रपतिसमक्ष यही भदौ ५ गते सिफारिस गरेका थिए ।
सोहि सिफारिसका आधारमा स्थानीय तहको निर्वाचनमा सेना परिचालन गर्न राष्ट्रपतिले स्वीकृति प्रदान गरेकी हुन् । राष्ट्रपतिले नेपालको संविधानको धारा ६६ को उपधारा (२) बमोजिम प्रधानमन्त्रीको सिफारिसमा स्वीकृति प्रदान गरेकी हुन् ।
