रौतहट, १० भदौ । रौतहटको गौर नगरपालिका वडा नम्बर ४ स्थित लालबकैया नदीमा डुंगा दुर्घटना भएको छ । औरहियाबाट गौरतर्फ आउँदै गरेको डुंगा पुल र्निर्माणका लागि बनाइएको पिल्लरमा ठोक्किएर दुर्घटना भएको हो ।
डुंगामा यात्रा गरिरहेका २५ मध्ये १५ जनाले पौडिएर ज्यान जोगाएका छन् । भने अझै १० जना बेपत्ता रहेको बताइएको छ । प्रहरी, नेपाली सेना र सशस्त्र प्रहरीको टोली उद्दारमा जुटेको तर, खोलामा बाढी आएको कारण उद्दारमा समस्या भएको बताएको छ । डुंगा चालकलाई प्रहरीले नियन्त्रणमा लिएको छ ।
