काठमाडौं, २९ साउन । उच्च शिक्षालाई प्रोत्साहन गर्ने उद्देश्यले काठमाडौंमा शैक्षिक मेला हुने भएको छ । भिजन मिडिया इन कर्पोरेशन र एजुकेशन डट कमले भदौ १ गते शैक्षिक मेलाको आयोजना गर्न लागेको हो ।
मंगलबार पत्रकार सम्मेलन गरि ‘स्वदेशी शिक्षा सबैको इच्छा भन्ने नाराका साथ दुई दिने शैक्षिक मेलाको आयोजना गर्न लागिएको जानकारी गराएको हो । विशेष गरेर मेलामा बिबिए, एमबिए, बिआइटी लागयतका कोर्ष पढ्न चाहने विद्यार्थीले परामर्श लिन सक्ने छन् ।
मेलामा विद्यार्थीलाई निशुल्क परामर्शको व्यवस्था मिलाइएको छ । मेलामा ४० वटा भन्दा बढि क्याम्पसले सहभागिता जनाउने छन् । चौथो पटकको आयोजना गर्न लागेको मेला दुई दिनसम्म चल्ने छ ।
