काठमाडौं, १४ साउन । नेपाल र चीनबीच गैर सरकारी संस्थाहरुलाई संयुक्त रुपमा परिचालन गर्ने सहमति भएको छ ।
समाज कल्याण परिषद र चीनको चाईना एनजीओ नेटवर्क फर ईन्टरनेशनल एक्सजेन्ज (सिएनआई) बीच दुवै देशको गैरसरकारी संस्थाहरुलाई संयुक्त रुपमा परिचालन गर्ने समझदारी पत्रमा हस्ताक्षर गरिएको हो ।
चीनले नेपाली जनताको समृद्धिको चाहनालाई साथ दिन गरिरहेको सहयोगको प्रशंशा महिला, बालबालिका तथा जेष्ठ नागरिक मन्त्री थममाया थापाले गरिन ।
दुइ देशवीच गरिएको समझदारी पत्रमा समाज कल्याण परिषदको संस्थागत विकासका लागि पनि आवश्यक सहायता उपलब्ध गराउने प्रतिवद्धता व्यक्त गरिएको छ ।
