काठमाडौं, ३ साउन । पहिलो वान डे अन्तर्राष्ट्रिय श्रृङ्खला तथा लडर्समा हुने त्रिकोणात्मक ट्वान्टी ट्वान्टी श्रृङ्खला खेल्न नेपाली राष्ट्रिय क्रिकेट टोली आज बेलायत जाँदैछ । १५ खेलाडी र ४ अफिसियलसहितको टोली अहिले केहीबेरमा बेलायत जान लागेको हो ।
बेलायत जाने टोलीलाई बुधबार विदाइ गरिएको थियो । गत मार्चमा भएको विश्वकप छनोटबाट वान डेको मान्यता पाएको नेपालले नेदरल्याण्ड्ससँग साउन १६ र १८ गते दुई वटा वान डे खेल्ने छ । त्यसअघि नेपालले बेलायतको लड्र्समा त्रिकोणात्मक टी–२० खेल्ने छ ।
नेपालले लड्र्समा नेदरल्याण्ड्स र आयोजक मेरिलिबोन क्रिकेट क्लब (एमसीसी)सँग टी–२० खेल्ने तालिका छ । त्रिकोणात्मक सिरिजअघि नेपालले स्थानीय टोलीसँग दुई एकदिवसीय र दुई टी–२० गरी ४ वटा अभ्यास म्याच खेल्नेछ ।
