काठमाडौं, ३ असार । चीनलाई उपहार दिने दुई जोडी गैंडाको नामकरण गरिएको छ । नामाकरण गरिएका गैडा चितवन राष्ट्रिय निकुञ्जमा राखिएको छ । जोडी गैंडाको भद्र र रुप नामकराण गरेर राष्ट्रिय निकुञ्ज विभाग हुँदै चितवन राष्ट्रिय निकुञ्ज पठाएको हो ।
भालेलाई निकुञ्जको खोरियामुहान र पोथीलाई सुखिभार क्षेत्रबाट नियन्त्रणमा लिइएको निकुञ्जका प्रमुख संरक्षण अधिकृत वेदकुमार ढकालले बताए । चिनियाँ टोली समयमा नआउँदा प्रधानमन्त्री केपी ओलीको चीन भ्रमणका बेला गैंडा पठाउन नसकिने ढकालले बताए ।
चीनियाँ टोली यही असार १३ देखि १५ गतेभित्र नेपाल आउने छ । दुई वर्षअघि चीन भ्रमणका क्रममा प्रधानमन्त्री ओलीले चीन सरकारलाई दुई जोडी गैँडा उपहार दिने वचन दिएका थिए ।
